Жастар ресурстық орталығының ұйымдастыруымен «Теңдік уақыты!» ұранымен өткізілген кездесу барысында жастарды салауатты өмір салтын ұстануға, АИТВ-инфекциясын алдын-алуға және өз денсаулығына ортақ жауапкершілікпен қарауға шақыру жұмыстары ұйымдастырылды.
Кездесуге Шымкент қаласының денсаулық сақтау басқармасының «ЖИТС-тің алдын алу және оған қарсы күрес жөніндегі орталығының» алдын алу бөлімінің маманы Жургенбаева Назира, ШЖҚ Психикалық денсаулық орталығының нарколог дәрігері Садыкова Майра, Серғали-Түркістан РҚБ, жоба үйлестірушісі Әбуталиев Ержан, Шымкент қаласының №3 жоғары спорт шеберлігі мектебінің жаттықтырушысы Сейдазым Алибек, Шымкент қаласының №3 жоғары спорт шеберлігі мектебінің жаттықтырушысы Ибраимов Олимжон, Шымкент қаласының №3 жоғары спорт шеберлігі мектебінің спортшысы, Ушу-сандадан спорт шебері, Қазақстан Республикасының 2 дүркін чемпионы Ташполатов Шахзод, Жастар ресурстық орталығының маманы Қалмурзаева Айжарқын және Шымкент аграрлық және сервис колледжінің студенттері қатысты.
Кездесу барысында ЖИТС орталығының қызметкері кәмелетке толмағандар жастар арасында нашақорлық, АИТВ/ЖИТС-тің алдын алу мәселелері жайында толыққанды ақпарат берді. Сонымен қатар сала мамандары нашақорлық індеті жер бетінде миллиондаған адамның өмірін жалмап жатқанын және аталған індеттің шекараны, жасты, нәсілді талғамайтынына тоқталды. Кездесу соңында спортшылар жастарға жаман әдеттерден аулақ болып, салауатты өмір салтын ұстануға шақырды.

 

Пресс-релиз.

Дүниежүзілік ЖИТС-ке қарсы 2022 жылғы кампания

 

        Дүниежүзілік ЖИТС-пен күрес күні – 1 желтоқсанда атап өтіледі, бұл күнді алғаш рет 1988 жылы ДДҰ жариялады. Биылғы жылы Қазақстанда Дүниежүзілік кампания аясында 21 қараша мен 1 желтоқсан аралығында ЮНЭЙДС ұсынған «Теңдік уақыты!» тақырыбында онкүндік өткізу жоспарлануда.

       Шымкент қаласында АИТВ-инфекциясы алғаш рет 1993 жылы анықталды. АИТВ-жұқтырғандардың жас топтарына қарай жұқтырудың жоғары деңгейі 15-49 жас аралығында – 84,5%.

      «Теңсіздік мәселесін шешкеннен кейін ғана біз бәріміз жеңіске қол жеткізе алатынымыз жайлы ақпаратты таратуға барлығымыз үлесімізді қосуға міндеттіміз. Әрбір адамның денсаулығын қоргау және қауіпсіз ету үшін біз барша адамдардың теңдігіне ұмтылуымыз керек», - деді орталықтың бас дәрігері Т.Мейірханов.

       Бүгінгі таңда АИТВ-мен өмір сүретін 1520 адам антиретровирустық терапияны қабылдап, олардың 90% вирустық супрессия байқалды. Антиретровирусты терапияның қол жетімділігінің кеңейту  арқасында АИТВ инфекциясынан науқастану және өлім жағдайлары азайып. АРТ қабылдаушылардан вирус жұғу қаупі төмендеді. АИТВ-на тестілеу, өзінің статусын білуге және терапияны алуға  мүмкіндік береді.                                  АИТВ инфекциясына тестілеу және емделу тегін жүргізіледі. Қабылданған шаралар жүкті әйелдерде АИТВ-ны дер кезінде анықтауға және көп жағдайда инфекцияның анадан балаға жұғуына жол бермеуге көмектеседі.

       Бүгінгі таңда алдын алу іс-шараларымен медицина қызметкерлері, студенттер  мен оқытушылар, бизнес-құрылымдар ғана емес  халықтың осал топтары: 2196 иньекциялық есірткі тұтынушы тұлғалар, 2365 секс қызметкері, 1091 еркектермен жыныстық қатынасқа түсетін еркектер, 3699 бас бостандығынан айрылғандар қамтылуда.

      Шымкент қаласындағы ЖИТС-тің алдын алу және оған қарсы күрес орталығы АИТВ-мен өмір сүретін адамдардың иммунитетінің жағдайын анықтауға, сондай-ақ антиретровирустық терапияның тиімділігін бақылауға мүмкіндік беретін соңғы үлгідегі анализатормен жабдықталған, ол ДДҰ ұсынған соңғы 4-буын сынақтарымен жұмыс істейді. АИТВ-ны қанда ғана емес, сілекей сұйықтығында да анықтауға мүмкіндік береді. Орталық қызметкерлері Қазақстан Республикасында ғана емес, Ресейде, Қырғызстанда, Украинада, Кореяда, Румынияда да тұрақты негізде біліктіліктерін арттырудан, семинарлар мен тренингтерде оқытудан өтіп, жергілікті жерлерде озық тәжірибені енгізуді қамтамасыз етуде.

ЖИТС орталығының баспасөз қызметібайланыс

Орынд. Ахмедова Э.

Тел.: 310939

04.11.2022г. Шымкент қаласы ЖИТС орталығының ұжымы бас дәрігер Т.Мейрхановты төл мерекесімен құттықтады.
Шымкент қаласы ЖИТС орталығының ұжымы, орталықтың бас дәрігері Т.Мейрхановты 63 жасқа толған төл мерекесімен құттықтады. Жиын барысында ««SENIM» денсаулық сақтау жүйесі жұмыскерлерінің салалық кәсіптік одағы» Республикалық қоғамдық бірлестігінің Шымкент филиалының төрағасы Е.Т. Батырбеков, Т.Мейрхановты халық үшін сіңірген елеулі еңбектері үшін «Алтын дәрігер» медалімен марапаттады. ЖИТС орталығының ұжымы да өз лебіздерін білдіріп, атқарған ерен еңбектеріне ризашылықтарын білдірді.

2022 жылғы 3 қазаннан бастап тәулік бойы қызмет атқаратын қалалық медициналық ақпараттық Call – орталығы ұйымдастырылған. Азаматтарга денсаулық сактау саласындағы барлық қажет ететін сұрақтар бойынша 41-75-03 сымтетік арқылы кеңес ала аласыз. С 3 октября 2022 года организован городской медицинский информационный Call – центр, который функционирует круглосуточно. По всем необходимым вопросам в сфере здравоохранения граждан вы можете проконсультироваться по телефону 41-75-03.